Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
čerwjeny kaž ‹jako› (woparjeny, warjeny, zwarjeny) rak
`z intensiwnej čerwjenej barbu (zwjetša wo čłowjeskej koži)´ | `hochrot, krebsrot´ rot wie ein Krebs
wróćo
`z intensiwnej čerwjenej barbu (zwjetša wo čłowjeskej koži)´ | `hochrot, krebsrot´ rot wie ein Krebs
Wörterbuchbelege
čerwjeny kaž zwarjeny rak (Radyserb, Přisłowa 238); čerwjeny do wočow kaž warjeny rak (Rězak 406); čerwjeny jako rak (Kral 452; Rězak 585)
přikłady z literatury
Chodźachmoj bosy přez cyłe lěto. Byrnjež byłoj noze čerwjenej kaž woparjeny rak, tak tola zymy nječujachmoj. (Domaška, Młyn 42) Sedźach stuleny na swojim stólcu z čerwjenej hłowu kaž warjeny rak. Čujach so hłupiši dyžli samo sławny Pampuchec Moc na Wusmužowej horje. (Iselt, Bitwa 152) Hdyž sej Trix w kuchni mokre zmachi z ćěła storha a mać ju z rubjanym trjenjom wotšudrowa, doniž Trix njebě čerwjena kaž zwarjeny rak, a francoski Pietschmann na proze chěžnych duri stejo do dešća wudźěraše, kotryž bě lědma popušćił, nóžkowaštaj Rudi a Martin bosy do wsy, přemokane črije a nohajcy w ruce. (Brězan, Christa 222/223) Z tym skónči Kěžnik swoju rozprawu, zwušudrowa so porjadnje, hač běše wyše pasa čerwjeny kaž rak, sćahny sej košlu znowa na ćěło, sydny so za blido, a wječerještaj. (Brězan, Jančowa 219) Buštaj lózaj, hrubaj, hadrowaštaj so, móžeše so stać, zo so wučer do korčmy zhubi, wona za nim rjeješe, čerwjena kaž rak ze złósću, a muž mjetaše ze stólcami, křipješe ze zubami a wožloka so. (Młynkowa, ZS 2, 210)
wróćo